Nagpabatyag na sa iya social media si Senator Ronald “Bato” dela Rosa.
Ini matapos ang masobra duha ka bulan niya nga pagpanago kag indi pagsulod sa Senado bangud sa ginaalegar warrant of arrest batok sa iya nagikan sa International Criminal Court (ICC).
Sa iya Facebook post, ginpahayag ni Sen. Bato nga buhi siya kag maayo ang iya kahimtangan kag malipayon sini nga ginasaulog ang iya ika-64 nga kaadlawan subong nga adlaw, Enero 21.
Suno sa iya nga nagahulat nalang ini nga makuha ang hustiya.
Pahayag sang Senador nga kun may mga kaso batok sa iya, magahulat nalang sia sang tion agud atubagon ini.
Base sa post sini, kaangay nalang nga wala siya sang plano nga magpadakop sa international court.
Ginkwestyon man ni Bato ang mga kritiko kun ngaa nagadali ang mga ini nga i-surrender ang pareho nila nga Filipino sa mga dumuluong.
Sa pihak sini, ginpasiguro sang opisyal nga nagapabilin sia nga kalmado kag may dignidad.
