No show sa gihapon si Senator Bato Dela Rosa sa Senado kahapon, Nobyembre 27, apang ang iya absence ang mas nahighlight sang wala ini nagpakita sa budget deliberation sang sang Department of National Defense kag iban pa nga ahensya.
Si Dela Rosa ang designated sponsor sang budget sang DND kag gintalana nga magdepensa diri.
Bangud nga absent si Dela Rosa humalin Nobyembre 11, si Finance Chair Sen. Sherwin Gatchalian ang magadepensa sa budget sang DND.
Suno kay Senate President Tito Sotto, wala pa ini macontact ni Senator Bato humalin sang nagresume ang session sang Senado pagkatapos sang break.
Gin-athag ni Sotto nga indi na kinahanglan ni Dela Rosa nga magfile sang isa ka notice of leave sa Senate President.
Apisar sini, nagpabutyag si Sotto nga wala ini nagakompormi sa madugay nga absence ni Senator Bato kag ginpahayag nga kuntani wala sini ginhandum nga makuha ang chairmanship kun indi man lamang sini masarangan.
