Ginkumpirmar sang isa ka Senador nga wala na sa Senado si Senator Ronald “Bato” dela Rosa.
Ginpahayag man sang Senate secretariat staff nga naggwa sa Senado si Dela Rosa alas-2:30 kaina sang kaagahon.
Si Dela Rosa ang ulihi nga nakita kaupod sa iya nga staff samtang yara sa elevator kahapon, kun sa diin siya ang gikan sa opisina ni Senate President Alan Peter Cayetano.
Sa litrato nga ginshare sang Senate majority, si Dela Rosa, kasubong man sanday Senators Robin Padilla kag Rodante Marcoleta ang wala nakita sa caucus kasunod sang adjournment sang session.
Ginkumpirmar ni Interior Secretary Jonvic Remulla, nga “safe” si Dela Rosa kag kaupod sang security personnel kasunod sang tensyon kag lockdown sa Senate building.
Sa facebook, nagpost man sang litrato si Atty Israelito Torreon kaupod kay Dela Rosa kapin alas-12:45 sang kaagahon.
Kaina sang kaagahon, nagpahayag pa si Atty Jimmy Bondoc, nga sa ihibalo sini si Senator Bato ang yara pa sa sulod bangod sila ang naka-estoryahanay pa sang gab-i.
Sa facebook post naman ni Atty Jesus Falcis, ginpahayag sini nga nakita niya sa Ninoy Aquino International Airport Terminal 3 si Senator Bato upod kay Senator Robin kaina sang kaagahon.
