Ginpahayag ni former Philippine National Police chief Senator Ronald “Bato” dela Rosa nga wala sini ginahinulsulan ang pag-implementar sang maduguon nga anti-drug war campaign ni former President Rodrigo Duterte.
Suno kay Dela Rosa, wala ini sang paghinulsol sa iya nga bahin kag kun siya ang pagahatagan sang tiyansa, iya ini pagahimuon liwat.
Santo sa police records, kapin 6,000 ka mga persona ang nagkalamatay sa drug war apang suno kay Dela Rosa, ini lamang ang nagaisahanon nga paagi agud malutos ang druga.
Suno diri, indi ka makabato sa gyera ilabi na batok sa mga drug personalities paagi sa pagkadisente ukon pag-cute-cute.
Suno sa iya, dapat maggamit sang pwersa agud makapadala sang mensahe kag kahadlok sa mga kriminal.
Ini ang ginpahayag ni Dela Rosa pila ka adlaw antes pagasuguran sang Senado ang imbestigasyon sini natuhoy sa drug war sa idalum sang Duterte administration.
Suno sa anay PNP chief, indi sini kinahanglan nga magpreparar sa hearing nga natalana sa Oktubre 28.
