Ginaalegar nga may ginpagwa nga arrest warrants ang International Criminal Court (ICC) batok kay Senator Bong Go kag duha ka mga anay pulis, suno kay Davao City 1st District Representative Paolo Duterte.
Suno diri, gikan sa isa ka reliable source ang impormasyon apang wala pa sang pormal nga kumpirmasyon ang ICC.
Ginkwestyon sang mamalidha ang ginakabig paggamit sang ICC bilang “political weapon” batok sa oposisyon sang administrasyon sa pulitika.
Madumduman nga una na nga ginpahayag ni anay Senador Antonio Trillanes IV nga posible target sang ICC si Go bilang ginaalegar “co-perpetrators” ni anay Presidente Rodrigo Duterte angot sa war on drugs.
Samtang, ginpanginwala naman sang Department of the Interior and Local Government (DILG) kag sang Philippine National Police (PNP) ang ginbuyagyag ni Pulong, nga pareho nga nagpahayag nga wala sila sang may nabaton nga pormal nga impormasyon ukon dokumento natuhoy sa ICC warrants.
Dugang pa sang PNP, pananglitan may legal nga mando halin sa nagakaigo nga otoridad kag nagpaidalom sa husto nga proseso, handa sila nga ipatuman ini.
