Ginpahayag ni former senator Antonio Trillanes IV nga mahimo si Senator Bong Go na ang masunod nga maisyuhan sang arrest warrant sang International Criminal Court (ICC) kasunod ni Sen. Ronald “Bato” dela Rosa.
Suno kay Trillanes, nakabaton ini sang impormasyon nga may nakapreparar na nga warrant batok kay Go may kaangtanan sa kaso nga crimes against humanity, murder, kag attempted murder.
Dugang pa ni Trillanes, mahimo maglab-ot pa sa pila ka bulan antes maggwa ang nasambit nga warrant, depende sa proseso sang ICC.
Ginpaathag man sini nga si Go ang gina-angot sa gina-alegar extrajudicial killings sang administrasyon ni anay Presidente Rodrigo Duterte.
Ginreklamo si Go sa ICC bangud sa gina-alegar partisipasyon sini sa extrajudicial killings sa diin nagahatag ini sang reward sa kada assasination bilang lider sang special operation group sang National Death Squad ni Duterte.
Magluwas kay Go, ginpahayag nga posible man maisyuhan sang ICC warrant ang anay hepe sang Philippine National Police nga si Oscar Albayalde.
