Nagapabilin bilang pinuno sang Senado si Senate President Francis Escudero kadungan sang pagpatigayon sang masobra isa ka bulan nga break sang 3rd Regular Session sang 19th Congress para sa ila regular October break nga nagdungan subong nga tuig sa filing sang certificates of candidacy para sa 2025 midterms elections.
Apisar sang nagalapta nga mga huring-huring sang ouster plot sang nagliligad nga mga inadlaw kag semana, nag-adjourn ang Senado para sa break nga wala sang pormal nga leadership challenge nga gin-initiate sa session, nga amu lamang ang nagaisahanon nga pamaagi agud mapahalin ang isa ka Senate leader.
Ginpasalamatan man ni Escudero ang iya mga colleagues kag staff sa ila pagpangbudlay.
Antes ini, una na nga ginpahayag ni Escudero nga wala sang may nagaako sa pagplot sang pagpahalin sang isa ka Senate President tubtob nga may yara sang nagakaigo nga boto agud mag-elect sang bag-o nga pinuno.
Suno sa iya, wala ini nakahibalo sang maskin ano nga plot apang ginabaton sini nga ang mga huring-huring ang kabahin sang kabuhi.
