Ginpahayag ni Senator Francis “Chiz” Escudero nga wala sang pagtulun-an tuhoy sa sources sang pondo para sa proposed Maharlika Investment Fund.
Suno kay Escudero, nagabag-o kada adlaw depende kun sin-o ang gina-istorya.
Suno diri, may tagsa-tagsa sila ka opinion kag ang ginabantayan lamang sini amu ang kun ano ang nakasulat sa nasambit nga layi nga pending sa Senado kag ang gin-aprubahan sang Kamara.
Suno sa iya, wala sang pagtulun-an nga nagasuporta kun diin pagakuhaon ang pondo.
Suno sa iya, una na nga ginpahayag nga sa GSIS kag SSS ini pagakuhaon apang madamo ang nagpamatok.
Sang tinalikdan nga Disyembre, napasar sa House of Representatives ang House Bill 6608 ukon ang Maharlika Investment Fund Act nga nagahatag sang independent nga pondo nga pagakuhaon nagikan sa investible funds sang pila ka mga government financial institutions nagikan sa mga kontribusyon sang national government, Bangko Sentral ng Pilipinas kag iban pa nga fund sources.
