Gin-athag ni Senator Francis “Chiz” Escudero nga wala sang kaangtanan sa anuman nga sahi sang political accommodation ukon baylo nga pabor ang iya pagtambong sa plenaryo sang Hunyo 3 kag sa pagkalakip sini sa bahin sang Gatchalian bloc.
Ginklaro ni Escudero nga ang iya pagtambong ang nakabase sa obligasyon sang Senado nga magpatigayon sang sesyon santo sa Konstitusyon, matapos ang pila ka adlaw nga wala nakatigayon sang sesyon bangud sa kakulang sang quorum.
Ginpahayag man sang senador nga indi na dapat pag-iangot ang iya mga ginapangatubang nga kaso sa Office of the Ombudsman sa mga nangin tikang sini sa Senado.
Dugang pa, kun may direkta nga impluwensya ang mga kaso sini, madugay na kuntani nga nagbag-o ang direksyon sang mga isyu batok diri.
Ang presensya ni Escudero sang tinalikdan nga Hunyo 3 ang nangin yabi agud makakumpleto sang quorom ang Senado matapos ang pila ka adlaw nga wala nagahulag ang plenary proceedings.
