Nag-file si Senator Erwin Tulfo sang hagna nga nagatuyo nga himuon nga mandatoryo sa mga institusyon sang basic kag higher education ang pagtudlo sa mga estudyante nahanungod sa West Philippine Sea, sa tunga sang maritime dispute sang Pilipinas kag China.
Sa Senate Bill No. 1625 ukon ang “West Philippine Sea Education Act,” luyag ni Tulfo nga matudluan ang mga Pilipino nga mangin aktibo sa pagpartisipar sa maritime rights kag makabulig sa pagpakigbato sang pungsod paagi sa pagpabakod sa paghimo sang polisa, kag responsable nga diskurso sang publiko.
Dugang pa diri, nga ang teaching kag learning materials ang pagahimoon sa koordinasyon sang National Mapping and Resource Information Authority, National Security Council, Department of Foreign Affairs (DFA), kag iban pa nga may kaangtanan nga ahensya sang gobyerno.
Ginpahayag man sa hagna nga ang mga state universities, colleges kag mga research institutions nga dapat maghimo sang mga pagtuon nahanungod sa maritime security, governance, marine biodiversity kag conservation kalakip na ang mga maritime claim sang Pilipinas kag ang socio-economic nga epekto sa mga coastal community.
