Nagapabilin nga intact ang pag-abyanay nanday Senator Imee Marcos kag Vice President Sara Duterte apisar sang mga tirada sang bise-presidente kay President Ferdinand Marcos Jr. kag mga tinaga nga iga-exhume sini ang bangkay sang iya amay nga si former President Ferdinand Marcos Sr.
Si Duterte ang nagbuya sang madamo nga kritisismo kay Marcos Jr. kag sa iya administrasyon sa tunga sang nagapadayon nga imbestigasyon sa Kongreso sa paggamit sang confidential funds sang Office of the Vice President kag Department of Education.
Suno kay Senator Marcos, ang importante amu nga makatabok ini sa maskin ano nga alyansa kag tanan ang iya nagakaistorya.
Suno diri, indi sini luyag nga makaangkon sang kontra kag luyag lamang nga magtrabaho.
Nagpamalibad naman ang Senador nga malakip sa Alyansa Para sa Bagong Pilipinas sang administrasyon apang suno kay President Marcos Jr., ang alyansa ang magapadayon sa pagsuporta sa iya.
