Senator Imee Marcos, nagpanawagan sang patas kag wala sang gina-apinan nga pagpatuman sang hustisya sa impeachment trial ni VP Sara
-- ADVERTISEMENT --

Ginhatagan sang pagtamod ni Senator-Judge Imee Marcos ang importansya sang patas kag wala sang may ginaapinan sa pagpatuman sang hustisya, sa ika-44 nga adlaw sang impeachment trial ni Vice President Sara Duterte sang Nobyembre 19.

Sa iya nga pahayag, ginlaragway ni Marcos ang prinsipyo sang hustisya sa nakatabon nga mata ni Lady Justice, nga nagasimbolo sang patas nga pagtan-aw sa tanan sa idalom sang layi.

Suno sa senadora, indi kinahanglan nga basahon ang tagsa ka dokumento ukon hibaluon ang mga personalidad nga nalakip sa kaso agud patas ang paghukom.

Naghatag ini sang pahanumdom matapos ginkwestyon sang pila ka mga senator-judges ang kredibilidad sang defense witness nga si Atty. Rainer Dela Fuente, sang matukiban nila nga wala sini nabasa ang forensic report nga ginhanda ni Atty. Alex Cabrera antes ang cross examination.