-- ADVERTISEMENT --
Ginpahayag ni Senator Imee Marcos nga wala ini nagakumporme sa pagpatuman sang public utility vehicle (PUV) Modernization Program.
Suno diri, indi solusyon ang pagpalawig sang deadline apang ang kinahanglan diri amo ang dayalogo, ilabi na sa problema pinansyal.
Suno sa senadora, madamo sang problema sa pagpatuman sang modernization program, kaangay na lamang nga madamo sang indi makasarang nga magbakal sang modernized nga unit, indi plastado nga ruta kag mga colorum.
Pahayag ni Marcos, tatlo na ka administrasyon ang naglabay apang wala ini natigayon kag bisan nga palawigon pa ang deadline, indi madali nga maimplementar ang modernization program bangod nga madamo sang problema angot diri nga indi masolbar.
