Antes ang opisyal nga pagpanubo sang conviction threshold sa impeachment case ni Vice President Sara Duterte kahapon, nagmosyon pa si Senator-judge Alan Peter Cayetano nga indi anay magpatigayon sang pagboto.
Apang ini ang napaslawan matapos nga 13 ang nagboto sang affirmative, 6 ang negative, kag isa ang nag-abstain.
Sa point of order ni Cayetano, nagpahayag nga indi makigbahin sa pagboto ang minorya.
Panindugan ni Cayetano nga dapat sa Korte Suprema una nga klaruhon sa voting threshold.
Suno diri, wala niya ginapamatukan ang pagtalakay sa isyu, apang ginakwestyon sini ang timing sang pagresolbar sa isyu nga ginhimo sa tunga-tunga na sang hearing.
Pahayag ni Cayetano nga mas nagakaigo kuntani kun gin-estoryahan na ini antes paman ginsumiter sang Senado ang rules para sa impeachment trial, agud mahatagan sang kahigayunan ang tanan nga kampo, nga ini ang dal-on sa Korte Suprema.
Panindugan ni Cayetano nga mahimo kwestyonon sa Korte Suprema ang mangin resulta sang impeachment trial, gani dapat nga seguruhon sang Senate impeachment court nga wala sang mangin ‘lack or excess of jurisdiction’ ukon ‘grave abuse of discretion.’
Nagpaandam man ang Senador nga mahimo mangin issue ang threshold kun magbag-o ang numero, kag mga aktibo nga Senador na lamang ang kilalahon.
Samtang, ginpahayag ni Senator-judge Allan Peter Cayetano nga may posibilidad sang pamulitika ukon impluwensya sang pamulitika sa impeachment proceedings ang absence sang pila ka Minority Senators.
Suno kay Cayetano, indi aksidente ang pagpriso kanday Senator Jinggoy Estrada kag Senator Rodante Marcoleta, kasubong man ang pagkadula ni Senator Ronald “Bato” Dela Rosa, kag ni Senator Loren Legarda.
Suno diri, indi man aksidente nga lunsay mga gikan sa oposisyon lamang ang mga Senator-judges nga wala sa karun sa proceedings.
