Ginalauman nga mapatigayon na ang meeting ukon caucus sang mga Senator-judges subong nga adlaw nahanungod sa voting threshold nga kinahanglan agud i-convict or i-acquit si Vice President Sara Duterte sa iya impeachment trial suno kay Senator JV Ejercito.
Sang nakaligad nga semana, nagpangayo sang opinyon ang mga Senator-judges sa mga former Supreme Court (SC) chief justices kag Associate Juctice nga sanday retired CJ Artemio Panganiban, retired CJ Hilario Davide, retired CJ Reynato Puno, kag retired Associate Justice Adolf Azcuna ukon ang gintawag nga “amici curiae”, natuhoy sa issue sang numero sang mga senator-judges nga makaboto.
Suno kay Panganiban, Davide, kag Puno, mahimo nga ma-islan ang 16-vote threshold para sa conviction, sa diin ang Senate impeachment court ang may gahum nga magdesisyon para sa impeachment cases.
Apang, suno naman kay Azcuna, isa sa mga naghimo sang 1987 Constitution, ang 2/3 nga requirement ang nagalakip sa tanan nga miyembro sang Senado, gani 16 ang boto nga kinahanglan para sa conviction.
