Nangin dinapit nga bisita sa pagbukas sang 30th Panaad sa Negros Festival si Senator JV Ejercito kahapon, Abril 13, 2026.
Sa iya mensahe, sa kadamo nga krisis nga naatubang kag ginapangatubang, ang mga Negrense ang nakilala sini nga mga resilient.
Suno kay Ejercito apisar sang mga krisis kag pagpanghangkat ang importante lamang amo nga nagaisa ang tanan sa pag-atubang sini.
Suno diri, dapat man nga mag-isa ang tanan sa pag-revive sang mga industriya kaangay sang sugar industry.
Nagpasalig man ini nga siya ang ally sang mga Negrense sa Senado kag handa magbulig para sa kaayuhan sang mga pumuluyo bangud ang iloy sini ang nagikan sa Negros.
Agud nga mabuligan ang mga Negrense siya ang nag-author sang SEDA LAW, siya man ang nag-author kag sponsor agud mangin layi ang pagdihon sang Negros Island Region kag may ginpasa man ini nga mga layi nga makabulig sa transport kag health care sang Negrense paagi sa Universal Health Care Act.
Suno diri apisar nga madamo sang mga pagpanghangkat, dapat mag-isa ang tanan agud nga malampuwasan ang ginapangatubang nga krisis.
Ginpasalamatan man sini ang tanan nga nagasuporta sa iya.
