Ginpahayag ni Senator Koko Pimentel nga wala sang impluwensya sa iya si former President Rodrigo Duterte sa Senate inquiry natuhoy sa maduguon nga war on drugs sang anay administrasyon.
Si Pimentel ang nagapamuno sa Senate Blue Ribbon subcommittee nga naga-imbestigar natuhoy sa anti-drugs campaign sang anay presidente.
Ang senador ang nakaangkon sang mga kritisismo bangud sa pagpahanugot kay Duterte nga maghambal freely natuhoy sa inquiry lakip na ang paghimo sang mga side comments kag pagpamuyayaw.
Si Pimentel ang isa ka early supporter ni Duterte kag nag-aid sa iya presidential campaign.
Lunsay man ang mga ini mga miyembro sang Partido Demokratiko Pilipino–Lakas ng Bayan (PDP-Laban).
Apang nakaangkon sang tensyon sa tunga nanday Duterte kag Pimentel bangud sa isa ka internal party dispute nga pending sa karun sa Korte Suprema.
Suno sa Senador, indi na ini isa ka supporter sa karun kag may yara na sang political differences.
Wala man ang mga ini nagacommunicate kag indi man sila close.
Paathag sini nga wala sang impluwensya ang anay Presidente sa iya ilabi na natuhoy sa paagi kun paano ini manumdum.
