Ginpahayag ni Senator Juan Miguel Zubiri nga iya ginlakip ang kaugalingon bilang minority bloc sang Senado kadungan sang nagapadayon nga reorganization sa Senado.
Suno kay Zubiri, nagdesisyon ini nga mag-abstain sa nakaligad nga botohay agud hilway ini nga makahimo sang desisyon sa mga isyu nga importante para sa mga pumuluyo.
Samtang, ginpahayag naman ni Senator JV Ejercito nga magpabilin nga independent bangud nagapati ini nga mas mahimo niya ang iya katungdanan kag mga programa sang maayo.
Ginpahayag man sang senador nga ang mangin isa ka majority leader amo isa ka posisyon nga may dako nga gahum sa Senado, apang mas luyag sini nga magpabilin nga independent.
Suno naman sa presiding officer, ginarespeto sang Senado ang tagsa nga desisyon sang kada senador.
Sa pagpadayon sang sesyon, gin-istoryahan ang proportional representation sa committee membership, kalakip ang komposisyon sang Senate Committee on Rules kag mga ex-officio member sini.
Sa ulihi, gin-refer sang Senado ang Articles of Impeachment sa Committee on Rules antes gin-file ang mosyon agud dal-on ini sa Impeachment Court.
Ginsuspender man ang sesyon agud maka-convene ang Senado bilang Impeachment Court
