Ginpahayag ni Senator Risa Hontiveros nga indi dapat mabutang sa disbentaha ang mga jeepney drivers and operators nga nakacomply na sa consolidation scheme sang gobyerno sa tunga sang mga panawagan nga suspendihon ang Public Utility Vehicle Modernization Program (PUVMP).
Suno kay Hontiveros, ini ang isa sa mga concerns sini kun ngaa wala ini nakaperma sang Senate Resolution 1096 nga nagapanawagan sang suspension sang programa.
Suno diri, kuntani indi man madehado ang mga nagsulod na sa programa, nag-apply sang loan sa bangko kag nagsugod na sa pagdismantle sang mga daan nga jeepneys.
Suno sa iya, kun ma-address ang nasambit nga mga concerns, iya pagapermahan ang resolusyon.
Nagalaom naman ini nga batunon ni Chair Raffy Tulfo ang iya igapropose nga mga amendments.
Madumduman nga ginreject na ni President Ferdinand “Bongbong” Marcos Jr. ang panawagan sang mga Senador nga temporaryo nga suspendihon ang modernization program.
