Ginpahayag ni Senate Deputy Minority Leader Risa Hontiveros nga tinutuyo sini nga magfile sang isa ka substitute bill sa controversial Senate Bill No. 1979 ukon kilala nga Prevention of Adolescent Pregnancy Act of 2023.
Ini ang gin-anunsyar ni Hontiveros matapos nagwithdraw ang iya kaupdanan nga mga Senador sa commitee report sang nasambit nga hagna.
Suno kay Hontiveros, naintindihan sini nga posible may yara sang pila ka mga konsiderasyon para sa pagwithdraw sang ila mga perma nagikan sa isa ka hagna nga may tinutuyo nga i-address ang nagasaka nga kaso sang teenage pregnancy.
Apang nagalaom ini nga ila pagabasahon ang substitute bill nga ginaplanuhan ni Hontiveros nga i-file, nga may tinutuyo nga i-address ang ginakahangaw-an sang pila ka mga grupo.
Wala pa sa karun gindisclose ang mga detalye natuhoy sa substitute bill nga ginaplanuhan ni Hontiveros nga i-file lakip na ang petsa sang filing sini.
