Nagpasalig ang chairperson sang Senate committee on health nga si Senator Risa Hontiveros nga seryosohon nila sa Senate Blue Ribbon Committee ang imbestigasyon sa anamolous flood control projects sa pungsod sa pagpamuno ni Senator Panfilo “Ping” Lacson.
Nahibaluan sang Huwebes, ginsuguran na sang Senate Blue Ribbon Committee sa idalom ni Lacson ang imbestigasyon sa flood control projects kag nag-atubang diri ang mga contractor kag Department of Public Works and Highways (DPWH) officials.
Sa pagbisita ni Hontiveros sa Bacolod City kahapon, aminado ini nga may pang-alang alang ang mga Pilipino kun ano ang madangatan sang imbestigasyon sa apang bilang miyembro sang Senate Blue Ribbon Committee nagpasalig ini nga himuon nila ang tanan agud nga mapasabat ang dapat nga manabat.
WATCH: https://www.facebook.com/share/v/1ESDbpJRhC/
Nalipay man ini nga may yara sang gintukod si President Ferdinand “Bongbong” Marcos Jr nga independent Commission for infrastructure nga magabulig na sa imbestigasyon.
Suno kay Hontiveros, dapat nga mapasabat ang DPWH officials kag legislators nga mapamatud-an nga guilty sa pagkawat sang kwarta sang mga pumuluyo.
Nagpanindugan man ini nga dapat may mapriso sa mga imbulbado bangud subong pa lang akig na ang mga pumuluyo sa nabuyagyag nga korapsyon sa gobyerno.
