Ginkumpirmar ni Senator Robin Padilla nga nakabaton ini sang subpoena halin sa Department of Justice (DOJ).
Ini ang may kaangtanan sa preliminary investigation sa gin-alegar pagbulig ni Padilla para makapalagyo sa Senado si Sen. Ronald “Bato” Dela Rosa sang Mayo sini nga tuig.
Gin-agda sang DOJ ang senador kag ini ang dapat magsumiter sang counter-affidavit sa Setyembre 25 kag Oktubre 9 sa reklamo nga obstruction of justice batok sa iya.
Madumduman nga ulihi nga nakita si dela Rosa sadtong nagtambong siya sa sesyon sang Senado sang Mayo 13 apang ini ang nagpalagyo sang Mayo 14 matapos ang insidente sang pagpangluthang sa sulod sang Senado.
Gin-ako ni Padilla nga nakisakay si dela Rosa sa iya salakyan pagwa sa Senate premises.
May yara sang warrant of arrest si dela Rosa naggikan sa International Criminal Court sa papel sini bilang anay hepe sang Philippine National Police (PNP) sang ginpatuman ang war on drugs sa nakaligad nga administrasyon.
