Nagpangayo sang pasaylo si Senator Rodante Marcoleta sa mga katapo sang media matapos sini ginhingadlan bilang “paid hacks,” ang iban nga myembro sang media sa isa ka pahayag nga ginbatikos sang press kag pila ka mga opisyal.
Ginpahayag sang senador ang iya paghinulsol sa iya mga nasambit nga mga tinaga.
Suno diri, ang iya nahambal ang bunga lamang sang pagkadismaya sa mahinay nga hulag sang imbestigasyon sa flood control anomalies kag sa indi pagsambit sang iya iya ngalan sa pila ka mga news report natuhoy sa Iglesia ni Cristo rally sang Enero 2025.
Suno sa senador, nagtambong ini bilang isa sa apat ka mga speakers sa nasambit nga rally apang ginaalegar nga wala ginsambit sa pila ka mga artikulo nga ginsulat sang kabug-usan nga 11 ka mga media entities.
Samtang, nagpabutyag naman sang kabalaka ang Presidential Task Force on Media Security kag ginpahayag nga ang ini nga sahi sang pag-generalize mahimo makahalit sa kredibilidad sang media.
