-- ADVERTISEMENT --
Ginpadala na sa probinsya sang Negros Oriental ang 310 ka police personnel sang Bacolod City Police Office para sa augmentation sa eleksyon sa masunod nga semana.
Ginpatigayon kaina sang aga ang send off ceremony sa pagpanguna ni Police Regional Office- Negros Island Region, Regional Director Police Brigadier General Arnold Thomas Ibay, iya ginapanugyan sa kapulisan nga maghalong sa lugar bangod indi sila pamilyar sa lugar kag protektahan ang ila kaugalingon kag ang mga pumuluyo.
Suno pa diri, umpisahan ang adlaw sa pagpangamuyo kag taposon man ini nga may pagpangamuyo.
Dugang pa ni Ibay, dapat mangin non partisan ang kapulisan kag magsuksok gid permi sang uniporme.
