Ginhingagaw dala sa ospital ang isa ka 68 anyos nga babayi matapos nga aksidente nga mabungguan sa dalan Lacson, Barangay Mandalagan, Bacolod City, kahapon sang hapon, Marso 3.
Sa interview sang Bombo Radyo Bacolod kay Police Staff Sergeant Winfred Tubida, traffic investigator sang Bacolod Police Station 3, ang biktima nga si Maria Teresa Selope ang nagikan sa isa ka bangko sa nasambit nga lugar kag magatabok kuntani sa dalan samtang ang salakyan nga Toyota Hilux nga magaliko man padulong sa norte.
Suno kay Tubida, ginpahayag sang driver sang salakyan nga wala sini nadeparahan ang nagatabok nga biktima kag naalang-alang ini gani nabungguan niya ini kag nagsuhot sa idalom sang salakyan.
Ang biktima ang conscious apang may pilas sa ulo kag ginhingagaw dala sa ospital.
Ang driver sang salakyan ang willing man nga magbulig sa biktima.
Nagpanugyan man ini sa mga motorista nga maghinay sa pagmaneho ilabi na kun rush hour samtang sa mga pedestrians, siguruhon gid ang dalan antes magtabok agud nga makalikaw sang aksidente.
