Patay ang senior citizen nga lalaki nga nagadrive sang tricycle matapos mabunggoan sang salakyan sa Purok Bougainvilla, Barangay Vista Alegre, Ilog, Negros Occidental, alas-7:00 kahapon sang aga.
Ang driver sang kawasaki bajaj nga pula amo si alyas “Nonilon”, 63 anyos, residente sang Sitio Enclaro, Barangay Vista Alegre, Ilog samtang ang driver naman sang toyota innova amo si alyas “Nomar”, 45 anyos, kag residente sang Barangay Gil Montilla, Sipalay City.
Sa interview sang Bombo Radyo kay Police Chief Master Sergeant Jerome Baloyo, chief investigator sang Ilog Municipal Police Station, nagabyahe si Nonilon kag Nomar sa magkaangay nga dereksyon, sang hinali lang nag u-turn si Nonilon kag apisar nga nagpreno si Nomar nabunggoan sini ang tricycle.
Nag-agom sang pilas si Nonilo sa nagkalain-lain nga bahin sang iya lawas.
Ginhingagaw pa dala sa ospital ang driver sang tricycle apang gindeklarar nga dead on arrival.
