Nakilal-an na ang lalaki nga nalumos matapos maglumpat sa Taytay Abad, Brgy Singcang-Airport, Bacolod City kaina sang aga.
Ang biktima ang ginkilala nga si Romero Ceballos, 71 anyos, residente sang Brgy Taculing, Bacolod City.
Siya ang ginkilala sang iya asawa, nga edad 70 anyos.
Suno diri, nadiagnose sa depression ang iya bana, apang ini ang naga-abot abot lamang.
Ini ang nag-umpisa sang siya ang nag-untat sa pagdrive sang traditional jeepney sang 2023 matapos ma-mild stroke.
Ini ang may mga ginatumar man nga maintenance, kag nakaschedule pa kuntani sa medical checkup sa Oktubre 30.
Suno diri, nakita sang trisikad driver ang iya bana, apang ginpinsar sini nga nagawalking lamang ang tigulang.
Pahayag sang asawa nga wala naman ini sang mahimo sa natabo, gani iya na lamang ini nga ginabatun.
