Patay ang senior citizen nga nagtabog matapos masideswipe sang wing van sa Brgy Camingawan, Kabankalan City, Negros Occidental, sang Lunes, alas- 5:45 sang hapon.
Ang biktima ang ginkilala nga si Marcelino Largo, 62 anyos, mamumugon, residente sang Brgy Hagtu, Mabinay, Negros Oriental, samtang ang drayber naman sang wing van amo si Reynaldo Obligado, 43 anyos, kasado, kag residente sang Sitio Maagay, Inarawan, Antipolo City.
Sa interview sang Bombo Radyo Bacolod kay Police Captain Sammy Gasataya, Deputy Chief of Police sang Kabankalan City Police Station, nagabyahe si Largo sakay sa tricycle padulong sa Negros Oriental samtang nagabyahe man ang wing van sa kaangay nga dereksyon.
Suno diri, yara sa outer most lane ang tricycle apang nag-over take ang wing van nga wala nakanotisyar nga nasideswipe sini ang tricycle.
Nagtabog sa kalog ang tricycle kag napurohan sa ulo kag butkon si Largo nga gintunaan sang iya kamatayon.
