Patay ang isa ka senior citizen matapos nga mabungguan sang depasahero nga van sa Sitio Paradahan, Barangay Pandanon, Murcia, Negros Occidental.
Ginkilala ang biktima kay Maria Jose Mae Guiguinto, 66 anyos kag residente sang nasambit nga lugar.
Sa interview sang Bombo Radyo Bacolod kay Police Major Sherwin Fernandez, hepe sang Murcia Municipal Police Station, ang biktima ang gulpi nagtabok sa dalan kag aksidente nga nabungguan sang van nga may 17 ka pasahero.
Suno kay Fernandez, indi hit and ran ang natabo bangud ang driver sang van ang nagderecho man sa police station matapos ang insidente.
Suno diri ang van ang gikan sa San Carlos City padulong sa ciudad sang Bacolod.
Ang biktima ang gindala pa sa ospital apang gindeklarar nga dead on arrival.
