Gin-athag sang project development Officer II sang Department of Education- Division of Negros Occidental nga indi pagdulaon ukon i-abolish ang Senior High School program sabaylo ini ang pabakuron lamang.
Sa interview sang Bombo Radyo Bacolod kay Ian Arnold Arnaez, santo sa layi ang programa ang indi mahimo nga dulaon apang mahimo ini nga pabakuron.
Suno kay Arnaez, may yara sang pagbag-o sa programa sang senior high school.
Suno diri sang una may yara ang nasambit nga education program sang 4 tracks kun sa diin gindula na kag ginbuslan sang duha ka tracks.
Ini ang ginalakipan sang academic kag technical professional track.
Suno kay Arnaez, kun ang estudyante ang mahuyugon sa pagtuon mahimo ang mga ini magkuha sang academic tracks samtang ang mga luyag naman nga pasanyugon ang skills ang technical professional track naman ang kuhaon sang mga ini.
Ginpahayag man sini nga apisar nga technical professional track ang ginkuha sang estudyante sa senior high school mahimo ang mga ini sagihapon magproceed sa college agud magpadayon sa pagtuon.
Ang strengthened senior high school program ang magasugod sa Grade 11 apang ang incoming Grade 12 ang magasunod sang old program sang senior high school.
Suno kay Arnaez ginpanubuan man ang number sang subjects sang kada tracks.
Ang academic track ang may yara nalang sang 12 subjects kun sa diin lima diri ang core projects, anum ang elective subjects, kag ang isa ang capstone.
Samtang sa technical professional track ang may siya ka subjects kun sa diin lima diri ang core subjects, tatlo ang electives kag isa ang work emersion kun sa diin may yara sang 320 tubtob 640 hours agud maenhance ang mga skills sang mga ini.
Ginpalawig ang oras sa work immersion agud nga ang mga ini ang handa na magtrabaho kag may yara sang dako nga tsansa nga sila ang ihire sang mga kompaniya sa tion nga magpangita gilayon sang trabaho makagraduate sa senior high school.
Ginliwat man sini nga ang senior high school program ang indi pag-ibolish kun istrengthen lamang ang nasambit nga education program.
