Senior high school student nga naningit sang paho sa ciudad sang Sagay, patay matapos nakuryente

Patay ang senior high school student matapos nakuryente sang nagapaningit sang paho sa Purok Katipunan, Sitio Inangtan, Barangay Maquiling ciudad sang Sagay, kapin alas-8:00 sang gabi, sang Huwebes.

Suno kay Police Captain Hannah Mesheil Banquil, Deputy Chief of Police sang Sagay City Police Station, ang biktima nga si Clear John Tequillo, 19 anyos, residente sang nasambit nga lugar, ang nagsaka sa puno sang paho para magkuha sang bunga.

Gingamit ni Tequillo ang isa ka tubo (GI Pipe) para singiton ang paho, apang aksidente nga natandog sang singit ang live-wire gani naglatay diri ang kuryente padulong sa lawas sang biktima.