Nagpanindugan ang chairman sang Sentrong Samahan ng mga Tsuper at Operators Negros (SSTONE) nga indi sila magpakigbahin sa weeklong nationwide strike sang mga traditional jeepneys.
Ini kasunod sang isa ka semana nga strike nga pangunahan sang mga transport group sa Manila agud nga pamatukan ang pagpatuman sang gobyerno sang jeepney modernization program.
Sa interview sang Bombo Radyo Bacolod kay Albert Villanueva, kaupod ang grupo sang Federation of Bacolod City Drivers Association (Febacda) indi sila mag-upod sa patigayunon nga strike.
Suno kay Villanueava, sila man sagihapon ang mabudlayan sa tion nga magpakigbahin sila.
Suno diri, wala man sila ginapabay-an sang Local Government Unit sa pagproseso sang ila nga provisional authority.
Suno kay Villanueva kun mag-upod sila sa strike piyerde sila sagihapon bangud ang modernize jeepneys ang magabiyahe kag ang mga pasahero makaluluoy man bangud may mga routa nga wala pa sang nagabiyahe nga modernize kag gamay lamang ang units sini nga nagabiyahe sa syudad sa karun.
Padayon sila nga magabiyahe samtang ginapahanugutan pa ang ila nga pagbiyahe kag lantawon nila sa Hunyo 30 ang matabo bangud ang ila nga permit nga makabiyahe ang maexpire man sa nasambit nga petsa.
