Gindayaw sang chairman sang Sentrong Samahan ng mga Tsuper at Operators Negros (SSTONE) ang inisyatibo nga pagpatukod sang bag-o nga opisina sang Land Transportation Office sa Purok Manayawsayaw, Brgy. Mansilingan, Bacolod City.
Sa interview sang Bombo Radyo kay Albert Villanueva, matawhay na magproseso sa LTO nga sa karun full operation na ang serbisyo sang ahensya.
Suno diri, wala na sang pagginutok kag mas komportable na ang transaksyon sa LTO bangud maligwa ang opisina.
Ginalauman man ni Villanueva ang pagpatukod sang Land Transportation Franchising and Regulatory Board sa probinsya kag mas maayo kun ini ang malapit sa LTO, bangod mabudlay sa ila magproseso nga kinahanglan pa magpadulong sa siyudad sang Iloilo, nga magasto sa kwarta kag oras.
Gani suportado sini ang ginaduso nga Negros Island Region para nga mas mahapos man para sa mga yara sa transport sector magtransaksyon.
