Indi pabor ang chairman sang Sentrong Samahan ng mga Tsuper at Operators Negros (SSTONE) sa tikang sang Land Transportation Office nga pagpahanugot sang paggamit sang official receipts nga ila gin-issue bilang temporaryo nga driver’s license.
Ini bangud nagapangatubang ang ahensya sang kakulang sang plastic cards nga ginagamit sa pag-issue sang driver’s license.
Sa latest data sang LTO, may yara lamang sang 147,522 plastic cards para sa printing sang nasambit nga dokumento kag magamit tubtob na lamang subong nga bulan sang Abril.
Sa interview sang Bombo Radyo kay Albert Villanueva, ginpahayag sini nga ang LTO ang isa sa mga ahensya nga problemado bangud wala ang mga ini nakahibalo sang ila kinahanglanon nga mga stocks.
Suno sa iya, tinuig na apang amu sa gihapon ang problema sang ahensya sang gobyerno.
Suno diri, dapat nakahibalo na ang LTO kun pila ang ila kinahanglanon nga mga materyales para sa pag-issue sang lisensya.
Suno kay Villanueva, daw kaangay nga ginapasa pa sa mga magarenew ang problema.
Dugang pa sini nga kadamo na sang requirements sang LTO kag kada tuig, nagadugang pa ini.
Sunio sa iya, nagasaka nga nagasaka ang budget sang LTO kada tuig apang mas nagabarat ang ila ginahatag nga serbisyo.
