Nadiskubre ang gina-alegar nga shabu ukon methamphetamine kag cocaine sa bangkay sang 31 anyos nga anay miyembro sang One Direction nga si Liam Payne santo sa nagagwa nga inisyal nga resulta sang ginapatigayon nga toxicology tests.
Madumduman nga napatay si Payne matapos nga mahulog nagikan sa ikatatlo nga panalgan sang balcony sang kwarto sini sa CasaSur Palermo Hotel, Buenos Aires, Argentina sadtong Oktubre 16.
Santo sa autopsy nga ginpatigayon kay Payne, ang droga nga gin-alegar nga gingamit sang British singer ang ginatawag nga pink cocaine kun sa diin nagaunod ini sang methamphetamine ukon shabu, ketamine, Methylenedioxymethamphetamine (MDMA) ukon ecstasy, Crack cocaine kag benzodiazepine.
Sa una nga imbestigasyon sang mga otoridad, nakita ang gina-alegar nga improvised aluminum pipe sa kwarto ni Payne nga siya ang gina-alegar nga gingamit sang British pop star agud nga mag-ingests sang droga.
Nauna naman nga ginreport nga nasapwan sa kwarto ni Payne ang mga buka nga gamit kag nakita man ang nakatuntong sa lamesa sini nga aluminum foil kag lighter.
Ginlaragway naman sang Prosecutor ang nakita nga substance bilang narcotics kag alcoholic beverages.
Gin-alegar naman sang mga local nga otoridad may isa ka gina-alegar nga empleyado sang hotel ang naghatag sang iligal nga droga kay Payne.
Wala naman naaresto kag wala naman nahatagan sang nagakaigo nga charges ang nasambit nga indibidwal.
