Magapabilin sa kustodiya sang Bureau of Immigration sanday Shiela Guo kag Cassandra Li Ong.
Si Shiela ang utod ni dismissed mayor Alice Guo.
Ini kasunod sang ila pagbalik sa Pilipinas matapos nga gin-aresto ang mga ini sa Indonesia.
Suno kay Department of Justice (DOJ) spokesperson Asec. Mico Clavano, pagaatubangon sang duha ang mga reklamo nga paglapas sa immigration laws.
Madumduman nga may ginpagwa nga arrest order batok sa ila ang Kongreso bangud sa indi pagtambong sang mga ini sa hearing may kaangtanan sa Philippine Offshore Gaming Operators.
Suno kay Atty. Ferdinand Topacio, ang legal counsel ni Shiela Gio, ila pa pagatun-an kun ngaa naaresto sa Indonesia ang iya kliyente kag dapat mapamatud-an nga naggamit ini sang peke nga identity agud makakuha sang passport.
