Naghatag ang operator sang Weesam Express sang advance salary nga isa ka semana sa iya nga mga empleyado agud nga magamit karun nga may isa ka semana sang suspensyon sang byahe sa Iloilo-Negros Island kag vice versa.
Suno kay Frank Carbon, ginpanugyanan nalang sini ang mga empleyado nga igabuhin nalang ang gin-cash advance sa pagbalik sang mga ini sa trabaho.
Suno diri, kun sumahon ang kahalitan sang suspensyon sang byahe sa sulod sang anom ka adlaw, magadangat ini sa P2 million.
Suno sa iya, ini ang wala lang nagabilin sang kapiyerdihan sang mga barko kundi kalakip na ang mga maapektuhan nga mga magagmay nga negosyante sa palibot sang pantalan.
Paathag sini nga magatuga naman ini sang domino effect ilabi na nga madulaan sang P2 million pa kuntani nga magalibot nga kwarta sa ekonomiya gikan sa pagbakal sang mga nagatarbaho kag naganegosyo sa pantalan.
