Luyag nga tutokan sang bag-o nga direktor sang Bacolod City Police Office ang nagluntad nga mga shooting incident sa ciudad sang Bacolod nga wala nasolbar.
Suno kay Police Col. Joeresty Coronica, naka-esturya na ini kay Bacolod City Mayor Alfredo ‘Albee’ Benitez angot sa asod-asod nga shooting incident.
Suno diri, pagatutokan ang mga kaso sang pagpang-luthang nga wala nasolbar.
Gin-athag man sini nga indi bangod sa kapabayaan sang kapulisan ang rason kun ngaa may nagaluntad nga krimen.
Ginpropose man sini kay Benitez kun mahimo nga hatagan sang reward ang sin-o man nga maghatag sang impormasyon angot sa mga krimen agud nga mapadasig ang pagsolbar sini.
Nagpasalig man ini nga hatagan sang proteksyon ang sin-o man nga luyag nga magkoordinar sa kapulisan.
