Ginpahayag sang Russia nga gin-atake sini ang isa ka shopping center sa Kyiv gamit ang high-precision long-range nga mga armas bangud ini ang ginagamit bilang isa ka rocket store kag reloading station sang mga Ukrainian forces.
Ang shopping center sa Kyiv ang gin-atake sang Domingo kun sa diin walo ka mga persona ang napatay kag pila ka mga buildings ang nagkalaguba.
Suno kay Ministry spokesman Igor Konashenkov, ang mga lugar malapit sa shopping center ang ginagamit bilang large base para sa pagtago sang mga rocket munitions kag sa pagreload sang pila ka mga rocket launchers.
Suno sa iya, ang mga high-precision long-range nga mga armas sang Marso 21 ang naguba sa battery sang mga Ukrainian multiple rocket launchers kag isa ka tindahan sang ammunition sa isa ka non-functioning shopping center.
Ginpakita man sini ang isa ka video nga nagapakita ang ang Ukraine ang ginagamit ang shopping center bilang baligyaan sang mga armas kag reloading station.
Ang invasion sang Russia sa Ukraine ang nakapatay na sang linibo ka mga persona, nagdisplace sang kapin 10 million kag nagtuga sang mga kahangawa sa mas dako nga komprontasyon sa tunga sang Russia kag Estados Unidos.
