Wala pa napasaka nga mangin administrative case ang ginpanaug nga show-cause order batok kay Office Office of the Provincial Agriculturist Atty Japhet Masculino.
Suno kay Negros Occidental Provincial Administrator Atty. Rayfrando Diaz, ginpahayag sini nga gindagdagan si Atty. Masculino sang show-cause order bangud sa wala mabayaran nga catering services sadtong 2018.
Nahibaluan nga ang wala pa masettle nga catering services ang yara sa P1 million humalin pa sang 2018.
Suno kay Diaz, may yara naman sang sabat nga ginpadala si Atty. Masculino sa gindagdag nga showcause order.
Suno diri, nagsulat na siya sa accounting office agud ipacheck kun mahimo ini nga mabayaran kay ibayaran nalang apang nagsabat ang accounting nga indi makarelease sang pondo bangud madamo sang discrepancy sa mga papeles nga ginsubmit sang OPA.
Suno kay Diaz, ginpahayag man ni Atty Masculino nga handa ini nga bayaran ang wala masettle nga catering services.
Aminado man si Diaz nga siya mismo ang indi makahibalo sang discrepancy.
Ipahibaluon man sini ang catering services sang sabat sang accounting office sang probinsya kasubong man sang sabat ni Atty Masculino kag kun may yara man sang matabo nga settlement ang OPPA Head na kag catering services ang magaestoryahanay.
Nagpahanumdom man si Diaz sa mga capitol employees nga dapat wala sang shortcuts nga himuon kag ipabilin ang insakto nga communication kag coordination sa mga ginahimo nga transaction.
