Ginkumpirmar ni Mayor Fritz Diaz sang Siaton, Negros Oriental nga nakabaton sila sang paandam tinalikdan nga gab-i nga nagapahalong sa mga ini bangud nakaabot na sa nasambit nga probinsya ang magapatay sa ila.
Suno kay Diaz, wala pa nagsink in sa iya ang natabo kay Governor Roel Degamo nga iya man himata.
Sang tinalikdan nga gab-i, isa ka anay alkalde ang nagtawag kay Diaz kag nagpahibalo nga maghalong bangud ara na sa Negros Oriental ang manugpatay sa ila.
Gintawgan sini ang gobernador kag nagpanugyan sa ila nga maghalong apang indi dapat magkahadlok.
Kaina sang aga, temprano pa nagpadulong sa Pamplona si Diaz bangud magasapol sila angot sa tagtaganay sang P3,000 nga ayuda para sa single mothers apang amo na ini natabo.
Nagasalig naman ini sa mga kapulisan sa pagpatigayon sang imbestigasyon angot sa krimen.
Bilang nabilin nga miyembro sang Partido Negrense, nagapati si Diaz nga may angot sa pulitika ang assassination sang gobernador.
