Ginpaidalum sa total lockdown ang banwa sang Siaton, Negros Oriental sumugod kahapon Mayo 23 tubtob 25, 2021.
Ini ang santo sa ginpagwa nga Executive Order No. 6 series of 2021 ni Siaton Municipal Mayor Cezanne Fritz Diaz.
Temporaryo man nga ginsuspende ang Sunday Masses sa mha Catholic Churchs kahapon kag ang iban pa nga mga religious gatherings.
Nagapatuman man sang liquor ban sa tatlo ka adlaw nga lockdown, samtang ang mga social gatherings kaangay sang mga public parties, picnic ang ginadumilian.
Pagasaraduhan man ang mga beaches sa banwa kag ang pahanugutan lang nga bukas amo ang mga gasoline stations kag pharmacies.
Istrikto man nga pagabantayan ang mga boundary kag indi makasulod ukon makagwa kun dini tuman ka importante.
Samtang ang mga residente sa Siaton ang mapahanugutan lang nga makagwa kun nahanungod sa medical purpose.
Ang pagpatuman ang nag-umpisa alas-5:00 sang aga kahapon kag magatakop alas-5:00 sang aga sa Martes.
