Natalana nga tipunon sang convenor sang Water Watch Negros ang signature campaign nga ginlunsyar nila sang tinalikdan agud nga magpanawagan sa pag-terminate sang Joint Venture Agreement sang BACIWA kag Prime Water.
Sa interview sang Bombo Radyo Bacolod kay Wennie Sancho, 1000 lamang ka pirma ang kinahanglan nila sa signature campaign.
Suno kay Sancho, subong nga adlaw Hunyo 30, tipunon niya ini ang pirma kag ini ang ipadala sa Malacaniang.
Suno diri, may development naman bangud ang Local Water Utilities Administration (LWUA) ang amat-amat naman nga naga-inspection kag may findings kun sa diin yara sang 20-30 ka mga water districts ang nagpahayag sang intention nga i-terminate ang contract sa Prime Water.
Ang reklamo naman sa Prime Water ang nationwide gani sila ang nagadihon sang signature campaign sa pagpanawagan sang termination sang JVA.
Suno diri nagahulat lamang siya nga makumpleto ang kinahanglan nga pirma.
Nagadapat na nga mahimuan ini sang tikang bangud ang madugay na ini nga reklamo sang mga pumuluyo sa ciudad sang Bacolod.
Nagalaom man ini nga sa pagpungko sa bag-o nga mga elected officials sa ciudad sang Bacolod karun sa udto, isa ang problema sa tubig ang ila nga dihunan sang solusyon bangud nga ini ang essential sa adlaw adlaw nga pagpangabuhi sang tawo.
