Lauman ang pila ka mga upgrades sa Laguindingan International Airport matapos nga ginpirmahan na sang gobyerno ang P12.75 billion project sa Aboitiz InfraCapital Inc.
Gintambungan ni President Ferdinand Marcos Jr. ang pagpirma sang Public-Private Partnership (PPP) project concession sa Malacañang Palace sang Lunes, Oktubre 28.
Suno kay President Marcos, bangud sa nagadamo nga mga nagabiyahe sa Mindanao Region, ang signing sang Concession Agreement para sa Laguindingan International Airport Public-Private Partnership Project ang naghatag sang opportunidad sa pagpalapad sang facilities, upgrade sang terminals, augment capacity kag paghatag sang mas safe nga serbisyo, efficient kag mas convenient nga paagi.
Ang Laguindingan International Airport sa Northern Mindanao ang gateway sa madamo nga key place sa southern island.
