BREAKING NEWS. Sa ikaduha nga kahigayunan, ginserbehan naman sang warrant of arrest ang Bacolodnon nga social media personality nga si Cristina Endrado Martino sa kaso nga cyber libel.
Si Martino ukon kilala bilang Team Langga, residente sang Forest Park Village, Barangay Taculing, Bacolod City ang gindakop sang Bacolod Police Station 2.
Interview with Police Major Eugene Tolentino, station commander sang Bacolod Police Station 2.
https://www.facebook.com/bombo.bacolod.livestream/videos/1269723168003876
Matapos nga napaidalom ini sa booking procedures kaangay sang mug shot, nagprocess ini agud nga makapyansa sa Bacolod Hall of Justice.
Suno sa Bacolod City Police Station 2, si Martino ang ginkasuhan sang violation sang Section 4 (c) sang Republic Act No. 10175 (Cybercrime Prevention Act of 2012.
Ang warrant of arrest ang gin-issue ni Judge Richard Bala Balucio, presiding judge sang First Judicial Region, Branch 15 RTC, Laoag City, Ilocos Norte nga napetsahan June 24, 2025.
P72,000 ang recommended bail para sa temporaryo nga kahilwayan ni Martino.
Madumduman nga sang Pebrero 2024, ginserbehan man si Martino sang warrant of arrest bangud sa kaso nga cyber libel. Ang nasambit nga kaso ang gin-file sa korte sa Laoag.
