Ginpabugal sang alkalde sang ciudad sang Silay nga ang ciudad ang nakabaton sang daan nga eroplano nga gindonate sang Philippine Airforce.
Ang gindonate nga eroplano amo ang Fokker Plane ang sadto nangin presidential plane ni Late President Ferdinand E. Marcos Sr.
Sa interview sang Bombo Radyo Bacolod kay Silay City Mayor Joedith Gallego, ang eroplano ang madugay na nga wala ginpalupad matapos nga nakaagi igrab ukon nasunog ang engine sadto sang ginpaandar sang piloto gani wala na gingamit tubtob nga nangin abandunado na ini.
Gani nagdesisyon ang Philippine Airforce nga idonate nalang sa ciudad sang Silay matapos nga luyag sang presidente nga hawanan ang bahin sang Bacolod-Silay Airport kun sa diin nahamtang ang nasambit nga eroplano.
Suno kay Gallego, nagpasugot ini kag nagpasalamat bangud mahimo magamit ang eroplano agud nga makadugang atraksyon sa ciudad.
Bangud wala na sang iban nga mabutangan bangud wala man sang space sa plaza sang ciudad nadesisyunan sang alkalde nga ibutang ini sa Barangay E. Lopez bangud may nakita didto nga ligwa nga lugar kag ginalantaw man nga makabulig sa paghatag sang development sa nasambit nga barangay.
Agud madala ang eroplano sa Brgy. E. Lopez, nagbiyahe ang katapo sang Philippine Air Force nagikan sa Cebu sakay sa C130 dala ang mga equipments agud mabuligan ang AKSYON AGAD team sang Silay City agud nga maguyod ang madala kun sa diin ini nahamtang sa karun.
Gindismantle ang pakpak kag ang ikog sang eroplano agud mahapos ang pagguyod padulong sa Brgy. E. Lopez.
Ginpahayag man ni Gallego nga nagab-ihan sa pag-abot sa nasambit nga Barangay ang ginguyod nga eroplano bangud nagagu-ot sa dalan ang royda sang eroplano kag may kabudlayan man sa pagpaigo sang nag-agi sa Taytay padulong didto./\Ang eroplano ang may kataason nga 80ft kag makaakomodar sang 40 ka mga pasahero.
Sa karun, ang team sang Philippine Air Force nga nagikan sa Cebu ang padayon nga ginakay-o ang sulod sang eroplano kag plano niya ini nga butangan sang kapehan agud nga may makadtuan man ang pumuluyo sang ciudad kag kaingod nga Local Government Unit.
