Magapatigayon sang “Dugong Pulis, Dugong Bigay, Sagip Buhay” Blood Letiing Activity ang Silay City Police Station sa Pebrero 9, 2024.
Sa interview sang Bombo Radyo kay P/Lt Col Mark Anthony Darroca, hepe sang Silay City Police Station, ini nga activity ang bulig nila sa mga nagakinahanglan sang dugo.
Suno diri, tanan makahimo nga makadonate, lakip na ang sa luwas sa ciudad.
Kag bisan nga wala nakadonate man, mahimo sa gihapon nga maka-avail sang blood card.
Ini ang ila nga programa kadungan sang slebrasyon sang Valentine’s day kag sa bulan sang Hulyo naman, liwat na naman sila nga magapatiagyon sang Blood Letting Activity.
Suno kay Darroca, ini ang iya man adbokasiya bangod naagyan man sini sadto nga mangita sang dugo.
Gina-engganyo sini ang tanan nga indi na paghulaton pa ang tion nga magkinahanglan nga samtang temprano pa mas maayo pa nga maghatag na bangud sa ulihi may maayo man nga balik.
Ang “Dugong Pulis, Dugong Bigay, Sagip Buhay” Blood Letiing Activity, patigayunon sa Pebrero 9, alas 7:00 sang aga tubtob alas 12:00 sang udto sa Silay City Police Station.
