Nagapangagda ang hepe sang Silay City Police Station sa tanan nga luyag nga magdonate sang dugo nga mahimo lamang sila nga magpadulong sa Silay City Police Station sa syudad sang Silay bangud may yara sila sang patigayunon nga blood letting activity.
Sa interview sang Bombo Radyo Bacolod kay Police Lt. Col. Mark Anthony Darroca, ang blood letting activity ang ila nga initiative in partnership sa Philippine Red Cross kag Silay City Government kadungan sang selebrasyon sang womens month.
Suno kay Darroca, ang tanan nga qualified kag makapasar sa pagsulundan sang Red Cross mahimo ang mga ini makapasakop.
Magapreparar man ang mga ini sang arozcaldo kag snacks para sa mga successful blood donor.
Suno diri mahimo makapasakop bisan ang mga residente sang Silay basta makapasar kag legible santo pagsulundan sang Red Cross.
Ginpatigayon ang Blood letting activity agud nga madugangan ang dugo sa blood bank sang Red Cross.
