Ginpasalig ni Silay City Mayor Joedith Gallego nga makadali lamang ang temporary closure sang Silay Outdoor Recreation and Eco-Tourism Area (SORETA) sa Barangay Patag, Silay City.
Sa interview sang Bombo Radyo Bacolod sa alkalde, tempraryo nga ginsirado ang SORETA bangod sa patigayunon nga minor repairs.
Pahayag ni Gallego nga kay-uhon ang Comfort Room sa lugar bangod barado na.
Suno diri, subong nga adlaw magasugod ang repairs kag ini ang mahimo maglawig lamang sang inadlaw ukon sa sulod sang isa ka semana.
Pahayag sang alkalde nga magamit ang CR sa mga rooms kag ang main nga CR para sa tanan lamang ang kay-uhon, bangod ini ang indi manami para sa mga bisita.
Nagpangayo man ini sang pasaylo sa temporary closure kag nagpasalig nga magabukas man gilayon matapos ang repairs.
Indi man tuman ka dako ang gastos sang ciudad bangod gamay laang ang kalay-uhon.
