Nangin matawhay ang selebrasyon sang Paskwa sa probinsya, santo sa record sang Negros Occidental Police Provincial Office (NOCPPO).
Sa interview sang Bombo Radyo kay Police Lieutenant Judesses Catalogo, public information officer sa NOCPPO, nga santo sa ila assessment, wala sila sang may na record nga major incident sa selebrasayon.
Suno diri, zero record ang probinsya sang Negros Occidental sa bisan ano nga insidente may kaangtanan sa christmas celebration.
Ginapangabay ni Catalogo nga mangin matawhay man ang selebrasyon sang bag-ong tuig kaangay sa selebrasyon sang Paskwa.
Gani ginalauman sini nga wala sang may marecord nga dako nga insidente sa pagsugata sang tuig 2023.
Iya man ginapangayo ang kooperasyon sang publiko sa programa sang kapulisan agud nga ma-agom ang matawhay nga New Year Celebration.
